لاتفكر ولا تتهور وتدخل الغرفةرقم(3) لأنك انسى تطلع منها

لا تفكر وتتهور وتدخل الغرفه<3>لانك انسى تطلع منها

في احد القرى النائيه في احد الاحياء المظلمه زقد سمي <شعلة الظلام> بسبب السكارا والمدخنين والمدمنين يسكنون في ذاك الحي وبسبب الظلام الذي يعم على ارجائه وبين الظلام المعتم والطرق الضيقه ومن بين المباني القديمه والمخيفه ذلك الفندق الفريد من نوعه في حي شعله الظلام <فندق القلب الكبير >وهو الوحيد الذي انواره واضحه في الحي وقد ظهرت عنه اشاعه متداوله في القريه ومشهوره <ان في الفندق غرفه اذا احد دخلها ما يطلع وفيه اشخاص كثيرين دخلوا ذيك الغرفه وما طلعوا >

قد يشبه هذا الفندق

في مكان ثاني

في المدرسه الثانويه التاسعه للبنين كان فيها شله معروفه بالاستهبال والتريقه واذا احد تحداهم يكونوا قد التحدي وشله مكونه من <نواف وياسر وتركي وخالد>

نواف <تكلم واحد من الطلاب>:هلا عزوز

عبد العزيز:اهلين

نواف:كنت تدورني وش تبي

عبد العزيز: الحين انتم مسوين قد التحدي

نواف: ليه انت شايف شي ثاني

عبد العزيز:لحد الحين لا بس بعدين يمكن

نواف:وشو.....ليه ما احد عاجبك

عبد العزيز:لا مو عن كذا بس ابي اتاكد

نواف: وكيف ياسيد عزوز كيف تبي تتاكد

عبد العزيز:انت تعرف اكيد فندق القلب الكبير الي في حي شعلة الظلام

نواف:ايه

عبد العزيز:ابيك تدخلون الغرفه الي فيها وتعرفون وش السرها وتعلموني

نواف: بس ................ياشباب شوفوا

تركي: وش فيه يانواف

ياسر:وش جراء وش حصل

نواف:عزوز يتحدنا

خالد:نعم وشو تحديه

نواف :يبينا نعرف وش السر الي في الغرفه الي في فندق القلب الكبير

تركي: الي في حي شعلة الظلام

نواف:ايه

خالد:من جدك

عبد العزيز:لا قول انك خايف

خالد:لامو عن كذا

عبد العزيز:هجل وشو ماتقدر

خالد: خلاص تروح معنا

عبد العزيز:ايش لا لا مانيب رايح

خالد:لا ياخواف انا اقصد تدخل معنا الفندق وتنتظر في الاستراحه

عبد العزيز:اذا كان كذا طيب

ياسر:متى بنروح

تركي:بكره الساعه ثنتين الظهر

ياسر: اوكي

نواف:وانت ياعزوز لا تنسى

عبد العزيز:لا افى عليك اما انسى

تركي: ياله عزوز عطني عرض اكتافك

اليوم الثاني< في المدرسه>

في الصباح مجتمعين الشله ويسالفون

تركي:هي شباب مااشوف عزوز

ياسر: غربيه لا يكون غايب

نواف:ياويله لو كان غايب

عبد العزيز:احد تكلم عني كاني سمعت اسمي اما عاد اغيب عيب علي اتحدى احد واغيب

خالد: ياااااااااهوه يالي يعرف العيب

نواف: خلاص عاد خلونا في الاهم

تركي: موعدنا تهاية الدوام في هذا المكان

عبد العزيز:وانا اول الحاضرين

الحصه السادسه

في الفصل الشباب الكل منسجم مع حصه الاحياء وفجاه من بين الهدوء الي يعم ارجاء الفصل سمعوا صوت يتكلم بحدهوعصبيه:يووووووووووووه الحصه طولت مليت انا متى تصفرونفتك استاذ اختصر السالفه

الكل التفت على مصدر الصوت متعجبين لان الشخص الي تكلم اكثؤ واحد يموت في ماده الاحياء الكل يمل الا هو <ياسر>وفجاه ماتوا ضحك و الاستاذ معهم

الأستاذ:مين الي تكلم انت ياسر غريبه وش عندك اكيد فيه شي شاغلك ماقدرت تتحمل الحصه اللي تحبها عشان أن اللي شاغل بالك
ياسر:لامو كذا استنى متى يخلص الدوام
الأستاذ:ياله هذي الحصه وخلصت باقي الحصه الثانيه بتنتهي بسرعه ياله ياسر انتبه للدرس
خالد:نواف ماتلاحظ انا اليوم ما استهبلنا ولا مزحنا
نواف:نخلي طاقتنا للمغامره اللي بنروح لها
صفرت الحصه السادسه
الاستاذ: ياله ياياسر استانس وهذي الحصه وخلصت باقي حصه وتطلع
ياسر:استاذ لاتفكر ماابي حصتك
الاستاذ:عارف ايحتاج تتكلم (وطلع من الفصل)
تركي:ياسر وش فيك منت على بعضك
ياسر:لامو عن كذا انا ابي الحصة تخلص عشان نروح للمغامرة اللي التفقنا عليها
واحدمن طلاب الفصل:شباب الأستاذ غايب
تركي:من جدك انت ولاتمزح اكيد تمزح
خالد:أي يا الأخ صاحي انت ولا انهبلت
الولد بسخرية:لاامزح عليكم ايه صادق
ياسر:تركي خالد نواف ياله استعدو للمغامره
تركي:افا عليك احنا مستعدين
خالد:ولا يهمك انا متحمس لهذي المغامرة
نواف:اقول بلا فلسفة ودخلو اغراضكم في الشنطة عشان اول ما تصفر نطلع
تركي خالد ياسر:اوكي
صفرت الحصه الاخيره
ياسر:ياله الشباب
تركي:ياله(وراحوا للمكان اللي اتفقوا عليه)
نواف:يوه عزوز ذا وينه
خالد:شوي وبيجي
عبد العزيز:اسف تأخرت عليكم
تركي:مدامك عارف ليش تاخرت
عبد العزيز:الاستاذ.........
ياسر(قاطع كلامه):ياله ياله مشينا بلا فلسفه زايده
عبد العزيز:ياله
نواف:ياله
في فندق القلب الكبير
دخلوا الفندق ياسر يكلم موظف الاستقبال
ياسر:سلام
الموظف:وعليكم السلام
ياسر:نبي نسكن هنا
الموظف:لحظه اشوف الغرف الفاضيه
ياسر:بسرعه لو سمحت
الموظف:فيه الغرفه 11و12 و9و3
ياسر:حبيت اسال عن الغرفه الطالعه اشاعه بين الناس عنها
الموظف:الغرفه الثالثه
ياسر:حلو ابي احجزها
الموظف (ناظر فيه باستغراب):كم يوم
ياسر:يوم واحد
الموظف:اوكي خذ المفتاح
ياسر:شكرا(وراح للشباب)
الموظف(يكلم نفسه):غريب هذا الولد يروح لموته برجليه
ياسر:شباب ياله
نواف: عزوز ياله
عبد العزيز:نعم نعم ادخل معكم ليش بايع نفسي
خالد:خلاص انت انتظر هنا واحنا بنروح ندخل الغرفة ونعرف حل اللغز ونجي نعلمك
عبد العزيز:اوكي (وراحو ما عدا عزوز)
ياسر:مثل ما اتفقنا لحد ينسى الخطة
(ودخلو الغرفة)
دخلوا وهم ملصقين ظهورهم في بعض وفجأة انقفل الباب عليهم
ياسر:استعدوا
وفجأه خالد صرخ أي وتركي كان قريب منه قام شات من جهت خالد وفجأة سمعوا صوت صراخ وتتبعوا الصوت ومسكو صاحب الصوت وربطوه بالحبل (وطبعاً كل هذا كان في الظلام) وبعد ما ربطوه قاموا يدورون على مفتاح النور
نواف:شباب لقيت المفتاح
وفتح النور وطبعا بعد ما فتحوه شافو صاحب الصوت
ياسر:انت وش تسوي هنا
صاحب الصوت (جاسم):انا اعيش هنا
ياسر:وليش انت الوحيد اللي ما صار لك شي
جاسم:لأن الي يدخلون هنا انا اكلهم
ياسر:اها ااه يعني اكل لحوم البشر

جاسم:ايه

ياسر:وكيف دخلت هنا وليش صاحب الفندق مابلغ عليك

جاسم:اقولك القصه من البدايه جيت هذا الفندق واستاجرت هذه الغرفه ودخلت فيها وكان معاي جثه ادمي قمت اتصلت على صاحب الفندق وقلت له تعال وطبعا جاء بطلب مني و اول مادخل ورتيه الجثه واكلت منها شوي وهو شاف المنظر مات من الخوف وقلت له ابي تجيب لي اواده ........الرجال مات من الخوف .............وقلت تجيبلي ولا اجيبلي بطريقتي وانت اول واحد وقلت له كل اللي عليك انك تاجر هذه الغرفه والباقي خله علي ومن يومها صار ياجر الغرفه وانتوم اول اشخاص تفلتون من يدي

تركي:ياله شباب

ياسر:ياله <وطلعوا و تركوا جاسم في الغرفه وبراء الغرفه خالد اتصل على الشرطه>

خالد:الو

الشرطي:هلا بغيت شي

خالد:فيه اكل لحوم البشر في الفندق القلب الكبير................

الشرطي:اوكي إحنا جاين <وقفل>

نزلوا الشباب الا الشرطه داخلين

الشرطي يكلم موظف الاستقبال:سلام

الموظف:وعليكم السلام

الشرطي: جاينا بلاغ من هنا

الموظف<توه بيتكلم الا ويقاطعه ياسر>: ................

ياسر:البلاغ جاءكم من عندي

الشرطي:وين الرجال

ياسر:تعال معاي <وراحوا الشرطي وياسر و شلته ودخلوا الغرفه >هذا هو

الشرطي: مشكورا تقدرون تمشون الحين

ياسر:شباب ياله تاخرنا على عزوز

الشباب: ياله<وراحوا لعبد العزيز>

عبد العزيز:هاه وش صار ا اكتشفتوا اللغز ولا خفتم

خالد:اكتشفنها بس انتظر شوي

تركي:شوف الي قدامك

عبد العزيز: وشو

نواف: شوف اشرطي واللي معه اكل لحوم البشرهو اللي كان في الغرفه مسكناه واتصلنا على الشرطه

عبد العزيز<وهو منحرج>:اسف ماتوقعتكم جريئين لها الدرجه

ياسر:اهم شيء تتادب وماعد تتحدى احد انت مو قده

عبد العزيز<وجهه راح طماطه من الاحراج وطلع من الفندق >

في اليوم الثاني

في الجريده خبر هام

الاشاعه التي تداولوها الناس في ما بينهم

<انهم يوجد في فندق القلب الكبير في حي شعلت الظلام غرفه اذا دخلها احد لا يخرج منها>.......

انهم لم تكن مجرد اشاعه وحسب ... بل كانت حقيقه وقد اكتشف سر هذه الغرفه اربعت شبان<نواف وخالد وتركي وياسر> من الثانويه التاسعه وقد تما سؤال هؤلاء الشباب عن سبب مغامرتهم ودخولهم هذه الغرفه التي لم يدخلها احد وقد اجابوا بان احد الطلاب في مدرستهم وهو اصغر منهم سن قد تحداهم فما كان منهم الا بالمبادره وقد كانوا السبب في القبض على اكل لحوم البشر ووضعوا صورهم

في المدرسه

راحوا لمدرسه بدري واول مادخلوا الكل يناظرون فيهموطنشوا النظرات وصفوا طابور الا وشوي تبداء الاذاعه الصباحيه مثل كل يوم لكن فيها زياده كرموا الشله وصاروا يشكرون فيها ويقول المدير لهم<رفعتوا روسنا >

في حصه الاحياء

الاستاذ:سلام

الطلاب: وعليمك السلام

الاستاذ: اخباركم بعد المغامره الي امس

نواف وتركي وخالد وياسر: الحمد لله المغامره حلوه

الاستاذ: بصراحه رفعتوا روسنا وروس اهلكم

نواف:ماسوينا شي هذا واجبنا

الاستاذ<يوجه الكلام لياسر>: واخيرا عرفت اللي شاغل بالك

ياسر: اسف يالاستاذ على الي صار امس

الاستاذ:اهم شي رفعتوا روسنا

وصاروا الناس يتكلمون في الاشاعه و الشله وشجاعتهم وصارحديث النساء في الجمعات والرجال في المجالس وبعدها تخرجوا ودخلةا الجامعه وخلصوها واشتغلوا وذكرهم على كل لسان بشجاعتهم وجرائتهم

شكرا لك

والله جميلة إذا كانت من تأليفك فهي أجمل
يسلمو على القصة الجميلة بدون مجاملة والله
شدت إنتباهي
لاتفكر ولا تتهور وتدخل الغرفةرقم(3) لأنك انسى تطلع منها Oooo_o10

لاتفكر ولا تتهور وتدخل الغرفةرقم(3) لأنك انسى تطلع منها Oooo_o10

ايه هذه من تاليفي

الله يوفقك ويسعدك
لاتفكر ولا تتهور وتدخل الغرفةرقم(3) لأنك انسى تطلع منها Oooo_o10

واااو قصة روووعة
جد ابداع تسلم ايديك